«JAS QALAMGER» жобасы аясында үш жас автордың кітабының тұсаукесері мен қорытынды әдеби кеші жоғары деңгейде өтті.

📚✨ СӨЗДЕН – КІТАПҚА, КІТАПТАН – ОҚЫРМАН ЖҮРЕГІНЕ! 22 қазан күні Ақтауда «JAS QALAMGER» жобасы аясында үш жас автордың кітабының тұсаукесері мен қорытынды әдеби кеші жоғары деңгейде өтті. Әдеби кешке Маңғыстаудың зиялы қауым өкілдері, белгілі ақын-жазушылар мен әдебиет жанашырлары арнайы қонақ ретінде қатысып, жас қаламгерлерге қолдау білдірді. Кеш қонақтары қатарында Алтынбек Әлібай, Нұрсұлтан Есенғалиев, Әнуарбек Бимағанбет, Ерекен Қордабаев, Көмек Ыбыраев, Мәди-Асқар Қанжарұлы және Сұлтанбек аға болды. 📖 Кештің басты жаңалығы — үш жас қаламгердің кітабының тұсаукесері: 🔹 Жанарыс Әскербай — «Сағыныштың сарқыншағы» 🔹 Қалмұрат Мамырұлы — «Жан қалауы» 🔹 Нағима Нұрдаулетова — «Нақыш. Желкенді жырлар» Іс-шара барысында авторлар шығармаларынан үзінділер оқылып, әдебиет пен жас қаламгерлердің шығармашылық жолы туралы ой-пікірлер айтылды. Арнайы қонақтардың қатысуы кештің мазмұнын байытып, аға буын мен жас қаламгерлер арасындағы әдеби сабақтастықты айқындай түсті. Үш кітаптың жарық көруі — жас авторлардың шығармашылық ізденісінің маңызды нәтижесі әрі олардың оқырманға жасаған алғашқы үлкен қадамдарының бірі. Кешке қатысып, жас қаламгерлерге ізгі тілегін білдірген ақын-жазушыларға, зиялы қауым өкілдеріне, кітапхана ұжымына және барша әдебиет жанашырларына алғыс білдіреміз! ❤️ Сөзден – шығармаға. Шығармадан – кітапқа. Кітаптан – оқырман жүрегіне! Жоба Маңғыстау облысының мәдениет, тілдерді дамыту және архив ісі басқармасының қолдауымен, Азаматтық бастамаларды қолдау орталығының қолдауымен және «Көмек командасы» қоғамдық қорының ұйымдастыруымен жүзеге асырылды. #JasQalamger #ЖасҚаламгер #Маңғыстау #Ақтау #ҚазақӘдебиеті КітапТұсаукесері ЖасАвторлар